Municipal Solid Waste Management

Municipal solid waste kya hai?

Institutions, schools, government offices, hospitals, restaurants hotels, industries and household activities ke through utpann hone wale solid waste ko municipal solid waste kehte hain. Is waste mein Keval solid (thos) kachre hote Hain. 

Municipal solid waste me kon-kon se components hote Hain?

Municipal solid waste me Kai prakar ke solid waste paye jaate Hain. Jaise - gharon se nikalne wale food waste, vegetable waste, papers, plastics, glass, textiles, metal, aur commercial sector se, Jaise ki restaurant se nikalne wale food waste, plastics, cups and hotel se nikalne wale food and vegetable waste, garden se niklne wale dry leaves and dry woods ye sabhi municipal solid waste mein paye ja sakte Hain.

Municipal solid waste ka treatment kaise kiya jata hai?

Municipal solid waste ke treatment ke liye kuchh Charan hote hain jaise -

1) Waste generation, 2) storage, 3) waste collection, 4) transport, 5) waste processing, and 6) disposal. 

1) Waste generation 

Institutes, schools, offices, hospitals and household activities ke dwara waste utpann hote Hain. 

2) Storage 

In solid waste ko ek jagah ekattha kiya jata hai Jaise gharon mein vegetable West food West ko alag se store karke Rakha jata hai. Iske liye band container ka upyog Kiya jata hai jisse us waste se gandi smell na aaye aur usmein microbes bhi utpann na ho. 

3) Waste collection 

Municipal authority vehicles ke through house to house ya area division mein jakar solid waste ekattha karti Hain. Sukha kachra aur Gila kachra ko alag alag Rakha jata hai. 

4) Transport 

Solid waste ko vehicle ke through authority ke pass pahunchaya jata hai Jahan per processing ka karya hota hai. 

5) Waste processing 

Iske antargat aise solid waste jinka recycling possible hota hai uski recycling ki jaati hai jaise ki plastics, old papers, old newspapers, glass, bottles ityadi. Aise waste jinka biodegradation (Jav-updghatan) sambhav hota hai uska composting Kiya jata hai jaise ki food waste, vegetable waste, dry leaves and dry woods. Anek prakar ke waste ka upyog energy generate karne ke liye bhi Kiya ja sakta hai. 

6) Disposal 

Processing ke bad authority ke dwara waste ka disposal Kiya jata hai. Generally disposal land filling ke dwara Kiya jata hai. Kintu landfilling unhin waste ka Kiya ja sakta hai jo biodegradable Ho yani ki jisse vatavaran Ko koi nuksan Na pahunche. Non-biodegradable waste ka landfilling nahi kiya ja Sakta. Aisa karne se Kai prakar ke environmental issues samne aa sakte hain. 

Recyclable/ Reusable Waste 

Old papers, old books, old newspapers, clothes, plastic bottles, glass, cups, furnitures etc. 

What can I do?

• Ghar aur mohalle ko saaf rakhna. 

• Shopping ke liye jaane per khud ka thaila lekar Jana. 

• Vegetable waste and dry leaves ka composting karna aur garden ke liye natural compost banana. 

• Waste ko open space ya water bodies mein na fekna.

• Waste ke niptan hetu samuhik roop se karya karna.

• Awareness failana.